तपाईंलाई अस्पताल गइरहनुपर्छ, रुघाखोकीजस्ता स–साना रोगले सताइरहने गर्छ भने तपाईंको रोगसँग लड्ने क्षमता कमजोर छ भन्ने बुझ्नुपर्छ । त्यसैले रोगसँग लड्ने क्षमता बढाउन यस्ता खाना खानुपर्छ :
चिकेन सुप
रुघाखोकी लागिरहने गर्छ भने चिकेन सुप दिनहुँ खाने बानी बसाल्नुस् । किनकि, यसले रुघाखोकी लगाउने भाइरस र ब्याक्टेरिया हटाउनुका साथै तपाईंको शरीरमा पानीको अभाव हुन दिँदैन ।
दही
दहीमा शरीरका लागि लाभदायक ब्याक्टेरिया पाइन्छन्, जुन शरीरको रोगप्रतिरोधी क्षमता बढाउन सहयोगी हुन्छ ।
ग्रिन टी
चिया, कफीको तलतल छ भने आजैदेखि ग्रिन–टीको बानी बसाल्नुस् । ग्रिन टीमा भाइरसहरूलाई नष्ट गर्ने गुण हुन्छ । यसले तपाईंलाई आरोग्य प्रदान गर्छ ।
जौ
जौका परिकार खाने गरेमा शरीरमा बेटा–ग्लुक्यान नामक विशेष खालको फाइबरको मात्रा बढ्न जान्छ, जसले शरीरको रोगप्रतिरोधी क्षमता बढाउँछ ।
च्याउ
जौमा जस्तै च्याउमा पनि बेटा–ग्लुक्यान पाइन्छ । च्याउ खाइरहने मानिसलाई क्यान्सर लाग्ने जोखिम पनि कम हुन्छ ।
कुखुराको छाती
प्रोटिनका अनेक फाइदामध्ये शरीरको रोगप्रतिरोधी क्षमता बढाउनु पनि एक हो । प्रशस्त मात्रामा प्रोटिन पाइने खानामा कुखुराको छाती पनि पर्छ । त्यही भएर रोगप्रतिरोधी क्षमता बढाउन चाहनेले कुखुरा खाँदा छाती छान्ने गर्नुपर्छ ।
माछा
माछामा भिटामिन, खनिज र प्रोटिनको मात्रा उच्च हुन्छ र बोसो ज्यादै कम । त्यही भएर माछा खाएर रोगसँग लड्ने शक्ति सञ्चय गर्न सकिन्छ ।
ब्रोकाउली
ब्रोकाउलीमा भिटामिन ए, सी र ई पाइन्छन् । साथै, यसमा विभिन्न खाले एन्टिअक्सिडेन्ट पनि पाइन्छन् । रोगसँग लड्ने क्षमता बढाउन ब्रोकाउली खाइरहने गर्नुपर्छ ।
लसुन
लसुनले तरकारीको स्वाद बढाउने काम त गर्छ नै, विभिन्न सरुवा र दीर्घकालीन रोगबाट जोगाउन पनि यसले मद्दत गर्छ । साथै, यसले शरीरमा कोलेस्टरोलको मात्रा घटाउन पनि सहयोग गर्छ । यसमा पाइने एलिसिन नामक तत्वले शरीरको रोगप्रतिरोधी क्षमता अभिवृद्धि गर्छ ।
अदुवा
रुघाखोकी लागिरहन्छ भने अदुवा खाने गर्नुस् । यसमा भिटामिन सी प्रचुर मात्रामा पाइन्छ, जसले चिसोजन्य रोगबाट जोगाउन मद्दत गर्छ । भात खाँदा अदुवाको टुक्रा लिने र चिया, तरकारी, चटनी आदिमा अदुवा हाल्ने बानी बसाउनु फाइदाजनक हुन्छ ।
बदाम
बदाममा भिटामिन सी र ई प्रशस्त्र मात्रामा पाइन्छन्, जसले चिसोका कारण लाग्ने अथवा सर्ने रोगबाट जोगाउन मद्दत गर्छन् ।
बेसार
बेसारले रुघाखोकी, ज्वरोजस्ता स–साना रोग लागिरहने मानिसलाई फाइदा पु¥याउँछ । दूधमा बेसार हालेर केही बेर तताई खाने गर्नुपर्छ ।
Share this
Related Posts
विषेश पाठ्यक्रम २०७३ तर्फकाे परिक्षाकाे समयतालिका
उच्च माध्यमिक शिक्षा परिषद् परीक्षा नियन्त्रण कार्यालय सानाेठिमी, भक्तपुरले प्रकाशि
रोनाल्डो चम्किँदा पोर्चुगलको सात गोलकाठमाडाैं रियल मिड्रडका स्ट्रार्इकर क्रिस्टियानाे राेनाल्डाे चम्केपछि पाेर्चुगलले 
Starting Eating Papaya Seeds right Now - There Are Magical Cure For Gut, Liver, kidney, Cancer And For More Other DieasesStarting Eating Papaya Seeds right Now - There Are Magical Cure For Gut, Liver, kidney, C
सामाजिक सञ्जालमा अश्लील सामग्री तथा लिङ्कबाट जोगिने उपाय
कीर्तिपुर निवासी रजनी महर्जनले फेसबुक चलाउन थालेको धेरै भइसक्यो । यसले साथीभाइ र टाढाका