सर्वाधिक गाेल गर्ने १५ खेलाडी

बहुप्रतीक्षित यूरोकपमा चर्चित खेलाडीहरूमध्ये क्रिष्टियानो रोनाल्डोले लगातार चौथोपटक यूरोेकप खेल्दै छन् । यूरोेकपमा १४ खेल खेलेर ६ गोल गरिसकेका रोनाल्डोले यसपालि यूरोेकपमा इतिहास रच्न सक्ने सम्भावना छ । पोर्चुगल खेलाडी रोनाल्डोले यसपालिको खेलमा ३ गोलमात्र गर्न सके पनि फ्रान्सका मिशेल प्लाटिनीको रेकर्ड तोड्नेछन् । प्लाटिनीले कुल ५ खेल खेलेर ९ गोल गरी कीर्तिमान राखेका थिए । रोनाल्डोले यसअघि नै १४ खेल खेलिसकेकाले खेल र गोल अनुपातमा भने प्लाटिनीलाई उछिन्न सक्नेछैनन् । यद्यपि, रोनाल्डोले लगातार चौथोपटक यूरोकप खेलेर कीर्तिमान भने राख्ने भएका छन् । यूरोेकपमा अहिलेसम्म बढी गोल गर्ने चर्चित खेलाडीहरूमा जिनेदिन जिदानको नाम पनि छुट्दैन ।

विश्वकप र यूरोेकपमा बढी चर्चा कमाएर विश्वचर्चित भएका जिदानले १४ खेल खेली पाँच गोल गरेका थिए । फ्रान्सेली खेलाडी जिदान सर्वाधिक गोल गर्ने खेलाडीको १५ नंमा पर्छन् । सबैभन्दा कम खेल अनि सर्वाधिक गोलको इतिहास मिशेल प्लाटिनीको छ । कुल ५ खेल खेली यूरोेकपमा ९ गोल गरेका प्लाटिनीको विश्व रेकर्ड खोस्न शायदै सजिलो होला । खेल र गोल अनुपातको आधारमा फ्रान्सेली खेलाडी प्लाटिनीलाई उछिन्न सक्ने अवस्था छैन ।

सर्वाधिक गोल गर्ने खेलाडीको सूचीको दोस्रो नम्बरमा इङ्ग्ल्याण्डका एलन सिएरर छन् । उनले ९ खेल खेली ७ गोल गरेका थिए । यसैगरी ८ खेलमा ६ गोल गरी रुद भान तेस्रो स्थानमा छन् । चौथो स्थानमा नेदरल्याण्ड्सका प्याट्रिक क्लियुभर्ट छन् । उनले ९ खेलमा ६ गोल गरेका थिए । स्वीडेनका ज्लाटान इब्रामोबिचले १० खेल खेली ६ गोल गरेका थिए ।

सर्वाधिक गोल गर्ने खेलाडीहरू
१. मिशेल प्लाटिनी, फ्रान्स (५ खेल, ९ गोल)
२. एलन सिएरर, इङ्ग्ल्याण्ड (९ खेल, ७ गोल)
३. रुद भान, नेदरल्याण्ड्स (८ खेल, ६ गोल)
४. प्याट्रिक क्लियुभर्ट, नेदरल्यान्डस् (९ खेल ६ गोल)
५. ज्लाटान इब्रामोविच, स्वीडेन (१० खेल ६ गोल)
६. थिएरी हेनरी, फ्रान्स (११ खेल ६ गोल)
७. क्रिष्टियानो रोनाल्डो, पोर्चुगल (१४ खेल, ६ गोल)
८. नुनो गोमेज, पोर्चुगल (१४ खेल, ६ गोल)
९. साभो मिलोसेभिक, युगोस्लाभिया(४ खेल, ५ गोल)
१०. बाइन रुनी, इङ्ग्ल्याण्ड (६ खेल, ५ गोल)
११. मार्को भान बष्टेन, नेदरल्याण्ड्स (९ खेल, ५ गोल)
१२. मिलान बारोस, चेक रिपब्लिक (११ खेल, ५ गोल)
१३. जर्गेन क्लिञ्जम्यान, जर्मनी (१३ खेल, ५ गोल)
१४. फर्नाण्डो टोरेस, स्पेन (१३ खेल, ५ गोल)
१५. जिनेदिन जिदान, फ्रान्स (१४ खेल, ५ गोल)